«Торатау» конгресс-холында «Башҡортостан саҡыра!» тип аталған беренсе инвестиция форумы үтте

20.12.2019

Осрашыуға Европа һәм Азия илдәренән 300 яҡын компания вәкиле килде.
«Башҡортостан саҡыра!» тип аталған беренсе инвестиция форумына төрлө компанияларҙан 500-ҙән ашыу делегат килде. Күләмле сараның төп маҡсаты- республика биләмәһендә эшләгән һәм яңы инвесторҙар менән «сәғәттең дөрөҫлөгөн тикшереү». Көндөң тәүге яртыһында Башҡортостан башлығы Радий Хәбиров Рәсәй һәм сит ил инвесторҙары менән эшлекле осрашыуҙар үткәрҙе. Уларҙа күләмле инвестиция проекттарын ғәмәлгә ашырыу мәсьәләләре, дәүләт ярҙамы һәм артабанғы хеҙмәттәшлек мөмкинлектәре тикшерелде.
Форум барышында илдең стратегик инвесторҙары спикер булып сығыш яһаны. Улар үҙҙәренең эш тәжрибәһе менән бүлешеп, республиканың артабанғы үҫеш юлдарын тәҡдим итте. Көндөң икенсе яртыһында республика исем туйы, «Башҡортостан – файҙалы инвестициялар биләмәһе» пленар ултырышы үтте. Уның модераторы булып Рәсәй журналисы һәм телевидение алып барыусыһы Владимир Познер сығыш яһаны.
Башҡортостан етәксеһе билдәләүенсә, бөгөн төбәктә халыҡтың тормош шарттарын яҡшыртыу йәһәтенән ҙур эштәр башҡарыла. Әммә бөгөн күп кенә кешеләр осон-осҡа бәйләп, фатирһыҙ, бәләкәй хеҙмәт хаҡына эшләргә мәжбүр. Был күренеште тәү сиратта инвестициялар ярҙамында хәл итергә мөмкин, тине Радий Хәбиров.